首先，要多謝哂半年前同呢個月教導過我既所有阿sir。有好長氣既輝、好好人既kit仔、串串地又好nice既冬仔、冇一堂唔吊爆我既herman、一堂比一堂黑既馬高、又潮又有型既米露、鋼條身材既犀利…sir。雖然物是人非，不過個核心依然冇變。就係除左交我地點樣去合格之餘，最撚重要既係，將來點樣揸得架電車安安全全。其他牌頭既電單車師父好唔好我唔知。我只係知道輝sir同佢既團隊好有眼力咁睇到我上下左右既柒位，同好有心機解答我呢個學車既問題。抱住「不要問，只要信」黎睇輝sir既ABCD評級就無死。最後，要特別多謝越黎越黑既馬高sir，因為就係x樣揸我評級揸到咁肉緊^.^同幫我建立第一道信心^.^。thank you sir！！！！！！

  多謝Fai Sir同埋Fai Sir團隊入面嘅咁多位呀Sir 我由年頭開始學到今日終於1Take Pass啦！ 因為我個人本身比較蠢 好多小問題 但係Fai Sir同埋其他呀Sir都會留意到 例如有時空波滑行呀 成日都hi住個尾brake嗰啲 我本身喺斜路轉彎都跌腳 到依家可以穩定咁打到8字 真係多謝Fai Sir同馬高Sir教我點樣做好視線運用 今日終於1Take Pass啦 加油呀其他同學仔！掙扎！

  謝謝輝sir 同馬高sir 師父說教我，但我多次都有錯，師父很有耐性教導我，於是我努力去練習。今天考路試，我緊張💓急急手腳，經過自己不停去練習，終於合格。

  學電單車… 後生時亞媽唔比！ 拍拖時女友唔比！ 結婚後老婆唔比！ 但人生唔可以因人地“唔比”就帶住個遺憾完結嘅！你覺得嗰樣野“危險”？只係你唔了解嗰樣野！每樣野都有危險，安全與否分別係睇識唔識避開危險。遠離咗危險咪安全囉！ 「小妹」鍾意玩…明白每樣野都有一定危險性！人無事先可做世界冠軍！知道輝Sir除咗幫到考試pass外，更強調“防衛駕駛術”嘅重要。要「長揸長有」架嘛！所以決定跟輝Sir學電單車！ 由於最初排期考試係4月…怕入雨季影響學車進度。所以舊年11月已開始學車。記得上第一堂…第一次坐住上堂用嘅GN125由加路連山道骨位揸上去大球場徑集合…微風撲面、自由自在嘅感覺…就係我想要嘅野啦！就立定決心要1 take pass！重keep住每個星期都學/練車，當然有時真係落雨上唔到堂啦！ 跟輝Sir，一或任何一位輝Sir團隊嘅亞Sir上堂…佢哋都好鬼眼利！每次都學到野、有得著！就算被罰做掌上壓都開心上堂+印象深刻！講到8字學咗「口訣」同「招式」，但練咗45堂都打唔到。被亞Sir睇得出原來係心理因素！係驚撞爛架車所以一喺試場做就做唔到。經「心理治療」後就無難度！ 因疫情本來係4月考，搞到7月先考。輝Sir又搞遊車河…等我哋無甘悶！雖然臨考前都上導師堂當係模疑考試，但到考試當日都好緊張！好彩嘅係苦練接近8個月，不斷嘅練習、肌肉記憶…雖然只發揮到5/6成功力，都成功過關「1 Take Pass」。 最後真係好多謝輝Sir同每一位團隊成員！