千古迷思:唔識踩單車,仲學電單車?!

唔識踩單車學電單車會唔會特別難?梗係唔會啦!呢個或者係我教電單車車咁耐,聽得最多嘅問題。

平衡

簡單講:電單車平衡絕對容易過踩單車。詳細講:

首先,係加速方法嘅優勢。踩單車要不停用左右腳踏加速,無經驗嘅話會左搖右擺,而電單車只需用手扭油門,加上雙腳夾實油缸,車身就會穩定。

第二,係車速嘅優勢。車快定車慢難平衡?梗係慢車啦!電單車速度較單車較高,物理上本身就比較容易平衡。

第三,係車輪嘅優勢。一般而言,電單車車輪較單車車輪粗同重,轉彎嘅時候駕駛者更易感受到抓地嘅分別。

Screenshot-2020-08-13-at-11.56.35-1024x680
絕對唔鼓勵飛車,不過電單車夠速度真係唔難平衡...

靈活性

如果你喺公路踩單車,隔離有架大車夾住你點算好?如果你揸電單車,呢個時候就可以俾油加速,自己主動避開危險。透過訓練慢慢認識車嘅性能同特性,電單車嘅靈活性將會係你必須學嘅一課。

 

有系統訓練

唔怕醜都要講句,你學單車未必會跟專業師傅,但係學電單車有我呀!好多單車使用者由於無受過正統訓練,對於道路規則唔熟悉,遇到危險唔識應對;而學電單車你就要通過筆試、強制試、路試,一步一步學識操控架車,亦學識利用架車避開馬路上嘅危險,真正咁安全駕駛。
無論你學過單車未,我都有信心教好你,歡迎你留下你的聯絡方法: 👉 http://bit.ly/2XyFhWs

我和我的團隊會盡快聯絡你,為你免費初步分析和解答問題呢!

輝Sir電單車課程
Facebook:https://www.facebook.com/faisirmotorbike/
電話:64257823