【評級機制大公開🔥究竟你學成點?幾時先可以自己租車練?】

69563205_987100204963018_159378178995912704_o

學車想有效率,最緊要係有針對性,絕對唔可以「盲中中」。輝Sir團隊都有一路靜靜雞Mark低大家嘅學習進度,咁就可以真正按你需要教學,針對你嘅問題。

到你學到一定程度,我哋先會容許你自己一個租車練習,保障你自己同其他道路使用者嘅安全。

每個學生都會有一組英文字母同數字,字母代表「路面」評級,數字代表「8字」評級:

🏍路面評級

A – 初學者,未能控制車輛
B – 路面初級,依然必須導師在旁,練多啲好快去到C級!
C – 路面中級,雖然未必識哂全部嘢,操控有代改進,但掌握到基本技巧,多練習就可以熟能生巧。繼續努力!
D – 恭喜你!升到路面高級,你嘅技術已經幾唔錯,已達考試標準7-8成以上!

🏍8字評級

0 – 未學打圈
1 – 打到圓圈,成功第一步
2 – 打到8字,掌握到基本技巧,要多練習
3 – 已經可以自己打8字,頗為純熟,繼續盡善盡美!

輝Sir會記錄低你嘅評級,因為要按住學生嘅程度,因材施教,例如去到C2級嘅學生 ,導師會指導佢應付更多路面突發情況,再加多啲練習,令技術更純熟,應變更快狠準。相反,A1嘅同學就要教多啲考試基本要求,車輛操控等等。

另外,為咗保障學生安全,只有C2嘅學生先可以自己租車練習呢!況且,評級太低,連最基本操控都未掌握到,練習都係討徒勞無功。

開頭可能你會好驚好緊張,連轉個彎都驚,但只要繼續堅持同努力,一直升級,相信好快你就會打到又靚又穩定嘅8字,同慢換來更純熟嘅技術同更高嘅評級,可以更有自信揸車,真係好滿足!😍