• 輝Sir

三號風球都有機會考試?電單車路試雨天安排!

更新日期:2019年6月2日

考試落雨最陰功!但原來三號風球都有機會考試,如果無去報到就連快期都無得拎呀!所以最緊要都係睇清睇楚考試規則:



電單車考試落雨安排

如果係紅雨、黑雨、八號或以上嘅風球,考試都會自動改期。一般落雨地濕嘅話,由於強制試係室內進行,所以不受影響;而路試則由當日考牌官當場決定。一般都係根據地下有無濕而決定,遇到呢兩個情況就要小心:

(1)就算已經停雨,但地下濕考牌官都唔會畀你考試。

(2)就算掛三號風球,但係冇落雨、地下乾,都會照考。

你可以先打俾師傅八卦下個情況,不過如果已經落緊雨就可以唔去報到。


考試途中落雨又會點?

如果出車無落雨,但行到一半落雨,咁就記得唔好自亂陣腳,係有機會唔需要改期,呢次就合格嘅!如果係考試期間落雨,喺落雨之前任何嚴重錯誤都會導致你唔合格;如果落雨之前冇犯錯的話,會有兩個情況

(1)有啲考官會照睇番情況畀你合格

(2)有啲考官會取消考試,你要改期再考。




因落雨而取消考期點算好?

在一般情況下,在考期既 14個工作天內駕駛考試中心會有職員打電話聯絡考生,約個新嘅考期。如果考試取消之後14個工作天內都未收到電話,你應該要打去27717723運輸處查詢。如果佢完全打唔到俾你,亦有機會直接將考期信件直接寄俾你。


收到考期要做乜?

收到新考期記得立即打俾師傅,確認新考期有冇位車比你考試,然後先好回覆運輸處!無論快期定正常期,如果新考期你唔得閒,你可以拒絕,要求拎過另外一個考期。



(運輸處官方說法)受惡劣天氣影響的駕駛考試安排

如天文台懸掛 8 號或以上風球,或發出黑色暴雨警告訊號,所有類別的駕駛考試

將改期。若該等訊號於上午 7 時仍然生效,所有定於當日下午 1 時前舉行的駕駛考試將會取消;若該等訊號於上午 11 時 30 分仍然生效,當日下午的所有考試亦會取消。考生無需親往考試中心報到,本署會主動通知新編定的考期。

如黑色暴雨警告訊號是於辦公時間內(即上午 8 時 30 分至下午 4 時 30 分)發出,則所有駕駛考試將會暫時停止。如黑色暴雨警告訊號於辦公時間內除下,運輸署會因應路面情況逐步回復進行所有駕駛考試(不適用於電單車駕駛考試)。

有關電單車路試,在天文台懸掛 8 號或以上風球,或發出黑色/紅色/黃色暴雨警告訊號後,即使該等訊號於當日稍後時間除下,考生若受天氣影響而未能親往考試中心報到,本署亦會主動通知新編定的考期。


個個都想盡快拎到牌,唔想行咁多冤枉路?馬上撳入呢條 link 👇 http://bit.ly/2GZgCng

輝sir或者輝Sir團隊會主動聯絡你,免費解答你嘅疑難!

574 次瀏覽

@2019 by Fai Sir MotorBike. All rights reserved.