fbpx Skip to content

雨天揸電單車並唔可怕【技巧篇】

雨天揸電單車並唔可怕【技巧篇】

「喂輝Sir,落雨揸電單車咪好危險?」其實真正危險嘅唔係雨天揸車,而係你唔識雨天揸車。住得喺香港,就算晴天開車,都難免會揸到半路遇到天雨。其實只要你學識落雨揸就輕鬆得多,今日就先從技巧同心態講起! (【裝備篇】請按此)

ezgif 7 0712b2d7c997

【技巧篇】

落雨頭20分鐘會沖出路面表層油污,係最最最地滑嘅時候,揸車可免則免!不妨等多一陣,沖走表面油污之後,其實馬路只係一條有水嘅瀝青路,並唔可怕。乾燥路面轉彎有1-1.1g側向力(Lateral Force),濕嘅路面大概0.9g,其實並唔差得遠!多數令你出意外嘅都唔係水,而係油跡等等。 小心過彎!始終摩擦力係減少咗,留意轉彎輪胎傾側角度,保持同地面嘅接觸面。 就算係直路,不但你(電單車)需要更長剎車距離,其他車亦需要更多距離,切忌急剎。 落雨能見度減少,尤其係大雨或者落雨前後嘅霞氣、霧氣。特別要需要小心,打燈、望鏡、擰頭要做足,唔好假設其他駕駛者一定見到你。

【心態篇】

唔好過分自信,亦無需要驚落雨。 可能你揸咗好多年,可能你揸得好定好快,以為自己係車手,但落雨始終物理上會令駕駛嘅難度提升,好多嘢難以預料,切忌過分自信,拜託拜託要額外留神。 話雖如此,就算你係新手亦唔需要怕落雨。香港天氣多雨潮濕,總會遇到落雨天,只要做足準備,有適當嘅技巧同心態,其實落雨又有咩好怕! 不妨睇埋有咩裝備可以幫到你克服雨天啦!

無人可以永遠避開落雨,最好辦法就係先打好基本功,加上防衛駕駛術就更加安全。想學識全天候安全駕駛?馬上撳入呢條 link: https://faisirmotorbike.com/online-enquiry/ 輝sir會主動聯絡你,免費解答你學電單車疑難

有任何疑問嗎?

無論是打算學車,或者在學車過程中有任何疑問,輝Sir都樂意解答你的問題!

只需要在以下連結留下簡單資料,我和我的團隊會儘快聯絡你,免費為你提供幫助!

年/月/日
Hidden
此欄位用作驗證填寫的資料是否正確,請勿修改。